西貢睇魚岩頂浪茄東壩

VR2UKT

睇魚岩頂，屬西貢三尖(峰)之一，高度雖然只有海拔 233 米。不過，很多因素下都未能攀登，今年決心走一趟。早一輪又因大霧、落雨，只從西灣山擦邊而過。

其實，就算天朗氣清，查實都並不容易，它地處西灣山東岸，向目標前進，一是由西灣亭、攀上西灣山再去；另一是由東壩落浪茄再繞浪茄仔、長岩頂再上，你睇，講都講到口攰。在此奉勸各位，如果沒有 5 至 6 小時腳力，大熱天時下，都非常冒險，.........。

2011 年 6 月 5 日上午 9 時 21 分，本人與 VR2ZTA，由西貢麥記快餐店用咗每人 15 大元乘搭 29R 專車，嚟到西灣亭，按路線圖前進，卒之用咗 4 小時半，出到東壩己經無哂力。






麥記快餐店傍邊上車。




聽司機大佬講，依家的車多咗，比車程表密好多，不過要記住最後一班車嘅時間，唔好遲到。

VR2UKT

路線圖的 T0 位置，時間為早上 9 時 21 分。



起步........




行咗 9 分鐘，望見萬宜水庫冇乜水，不過就好靚。

VR2UKT

從西灣亭行咗 14 分鐘，轉緊大灣，水庫見哂底。




再行多 2 分鐘，到咗吹筒坳，路線圖 T1 位置，駁番麥理浩徑。準備上西灣山頂。




去到大約路線圖 T2 位置，望左邊，見到西灣。

VR2UKT

T3 位置，近麥理浩徑標距柱 M028。




近麥理浩徑標距柱 M026 之觀景台，照足觀景台圖片角度拍下四灣連影，赫然發現西灣近岸之私人地方己經唔同咗舊時。四灣由左邊起：西灣、鹹田灣、大灣、東灣。全部都係水清砂幼。




西灣山唔算高，但係上山都幾索氣。

VR2UKT

見到西灣山頂嗰亭嘞。路線圖 T6 住置。



行咗 56 分鐘，終於嚟到西灣山嗰亭，大熱天時，速度慢咗好多。




由西灣山望出去，最近嗰座山叫做獨孤山。萬宜水庫對岸近左邊嗰座係花山。傍邊是糧船灣。

VR2UKT

萬宜水庫面積都好大，依家數碼相機靠右少少再影，連大蛇頂嗰座山都見埋。




西灣山頂巧遇日本籍之行山愛好者(紅衣者)，佢話佢由北潭涌起步，沿麥理浩徑，行咗3粒鐘嚟到呢度。





喺西灣山頂嗰亭，休息，補充體力、吹水，足足成 30 分鐘，喺上午 10 時 50 分準備強登睇魚岩頂，忽見有一股水氣從海飄刮而上，難得一見，與 VR2ZTA 一起，奔向目標。

VR2UKT

往睇魚岩頂之入口，有個麥理浩徑路牌，正是路線圖T7位置。




VR2ZTA準備轉身奔向目標。對鐘：上午10時51分。




雲霧間，睇魚岩頂若隱若現。

VR2UKT

紅葉迎夏。




初段路徑不算難。




前往雲霧間...........。

VR2UKT

山路清晰可辨，睇魚岩頂漸露角頭。




落到山坡下，已見睇魚岩頂真面目，前路平坦寬闊，唔驚跣低。




拉近鏡頭.....嚟到T8位置，先要過呢個山丘。今日咁好天，山路就在前面。

VR2UKT

登頂前，要進入一小段村長路，穿短褲者，雙腳可能會刮親，不過唔會流血。




左邊山頂就係睇魚岩頂，行到現在，相信大家都識點攀登。




VR2ZTA示範全過程.........