鳳凰徑大澳至水口

VR2UKT

此時僅剩1支水，想揾聾婆買多支補充一下，嗌極都無人應，僅聽聞有狗吠。




淨見阿婆之守護神，烏嘴狗喺度，士多度門栓實。




後來聽村民講，村內只剩阿伯，其餘親戚、朋友會經常回村探望。

VR2UKT

分流村位於大嶼山西南，從高處鳥瞰，對出海面有明顯之分流奇景。又有炮台、石筍、石圓環、天后廟.....等景點。海灘都有三個，分別是：分流東灣、分流廟灣、分流西灣。分流村又可租住，每到假日，熱鬧非常..........。



出了分流村不久，上山見到標距柱L071，再前進不遠是分岔口。



你睇吓，咁靚嘅分流東灣，望吓都有着數。



到了分岔口。

VR2UKT

回望分岔口，左邊直落分流東灣、石筍、石圓環、分流炮台。右邊直去分流村。



向前望，有鐵鏈欄桿，安全好多。



唔捨得，回頭又影多一幅先至跑。

VR2UKT

伸出海，傍邊有海灘嗰處是狗嶺涌。似唔似個狗頭？



左邊石級上分流頂，可去萬丈布，若遇猛烈陽光，奉勸閣下咪冒險。



過了這條水澗，上完石級，立見車路。

VR2UKT

上到車路，亦是引水道，雖然氣囖氣喘，都要睇睇個錶，咦，時間是上午11時03分，跑咗1小時41分。



呢度落狗嶺涌營地，標距柱是L076。



行前少少嚟到呢度，化咗灰都會認得，當年嶼行者比賽嘅CheckPoint囉。

VR2UKT

標距柱L083有一條上山路，可去龍仔悟園及萬丈布。



這一條石璧水塘西之引水道，都幾長，又沉悶，適宜練長跑。




見到呢條斜路，就快出到石璧。

VR2UKT

近標距柱L085有一個分岔口，向下往大浪灣東岸。



前面轉彎便是石璧，有個靚靚廁所。



附近有巴士站，可往梅窩及東涌，近厠所那一邊往寶蓮寺或大澳。

VR2UKT

石璧亦是當年嶼行者比賽嘅CheckPoint。到依家，計望下個錶，時間指住上午11時58分，由大澳到石璧一共跑了2小時36分。



時間尚早，繼續去，不過石璧水塘傍之路肩狹窄，要小心車輛。



大壩盡頭，正要右轉入紅十字會石璧營之際，巧與單車群。

VR2UKT

上路是鳳凰徑、下路去石璧監獄、及觀賞石刻。




鐵閘內是香港學生輔助會轄下之東灣莫羅瑞華學校石璧宿舍。




右轉入平路，見到標距柱L090。

VR2UKT

沿平路直出，走近東灣，望到對岸是石壁監獄。



鐵絲網內是紅十字會石壁營，鳳凰徑要在門口急左轉入。



認住呢個信箱，直入就啱嘞。