衛徑長佂

VR2UKT

從第九段開始 (W105) 至鶴藪 (W113) 這一段，大部份是向下落，我們採取緩步跑，會較為省力。如果用步行落斜坡，膝頭哥會容易酸痛。不過要記住，過咗標距柱 W109 就要睇實，在三岔路唔好左轉去咗流水响水塘，喊都無謂。好在有指示牌，記得跟着衛奕信四方柱指示！！



近 W107 之涼亭，記得由個亭背後去先至啱！



終於來到鶴藪水塘之涼亭，唞一唞再上山，呢座山僅次於東洋山個種辛苦，唔好急！
計計時間，現在是 14 時 39 分，累計行咗 6 小時 27 分。非常滿意！


上了呢座山，就輪到最後的屏風山，黃嶺，犁壁山，八仙嶺。努力努力！

VR2UKT

過了標距柱 W114，努力向上。



標距柱 W115，行多 30 米就到平台。足足用咗 20 分鐘上山。



在屏風山上飄，要經歷標距柱 W116~119 才到黃嶺。

VR2UKT

有人講，上到屏風山，已經成功咗一半，亦有人講，未落仙姑峰，未知行唔行得哂！睇下地圖，一路行，一路數下山，由屏風山數到仙姑峰，冇二十座都有十幾座個，座座都上上落落，切勿心急，呢一段行得快者，三小時內完成，嘆山(在每一座山頂都唞一唞，)者，俾多一倍時間，電兔或喪犬狂飊則另計。



犁壁山上落都幾斜，稍為崎嶇。



上完長命樓梯就是八仙嶺。



八仙嶺最高峰是純陽峰，(590米)


八仙嶺由純陽峰開始依次是 純陽、鍾離、果老、拐李、曹舅、采和，湘子、仙姑。

VR2UKT

上完呢條樓梯，就到果老峰，山頂有一張櫈，可以唞一唞。



由湘子峰望去仙姑峰。


到了仙姑峰，時間是下午17時24分，由上屏風山計，行了2小時31分。幾好！

VR2UKT

到了仙姑峰，是下午 17 時 24 分，距離大美督己是 1 小時內的事，今日天氣好好，有風，不太熱，最後去到大美督是下午 18 時 05 分。全日累計用咗 9 小時 53 分。這個時間比賽時實現就好了。我們會保持操練！



落日斜照春風亭



嚟到大美督，仲趕得及影日落。

VR2UKT

2009 年 8 月 23 日下午 3 時正，雷利衛徑長征主辦簡介會，急忙去聆聽，順便去觀察一下比賽對手實力。原來今年報名人數都幾踴躍，全征公開組有 88 隊；全行山界關注的旋風 156 亦有 8 隊，今年熱鬧了。好！無論如何，今年都盡力行晒佢；沿途睇下撞唔撞到旋風猛將！



主持人在台上簡介賽事。




報名隊伍之部份名單。

VR2UKT

大會派發了參賽小冊子，內容詳細。



熟讀賽事規則。



賽事中穿着之T恤。



今年是十周年都印埋上去。

VR2UKT

開完簡介會，又要投入操練。2009 年 8 月 30 日，天文台話吹東北風，最大雖然得 2 級，都好過冇，温度是攝氏 33 度。嘩！好熱呀，諗住短短地向風的一面去操練，我哋揀咗鶴藪去南涌的一段。一清早，由粉嶺火車站傍綠巴站上車，剛好遇見 GY 和幾個Ham友去操練無線電測向。我和 ZTA 在鶴藪圍落車，直踩八仙嶺去也！



30 分鐘到了鶴藪水塘。



見到美麗的小蝶，馬上影番張相留念。



5 分鐘到了上屏風山路口。

VR2UKT

在此段(標距柱W114~115)用了25分鐘，遇到了5個操山年青人。



屏風山的蘭花又開始盛放了。








由水塘起計，用了 2 小時 10 分到達純陽峰。遠處是犁壁山，再遠的最高峰是黄嶺。

VR2UKT

49# VR2UKT

烈日當空，雖然今天更換了一頂防晒帽，效果都不錯，但不是個個山頭有風，連上一次在屏風山發現的溪流，己經乾涸，想抹下面都唔得。哎！一路行，一路標汗。渾身濕透，好難頂。水已經剩下半樽，不得不打消去南涌的念頭，改去大美督吧了！



在犁壁山的大樹下，發現有3個操山的人歇息，在純陽峰落石級又見到他們。







全日最大風的位置，被佢地霸住嚟散熱。