惹火版 KDP14

3240 · 發表於 9-10-2008 00:47:36

課堂時已量度所有工作電壓及開聲全部正常, 係屋企開機唔到兩分鐘就聞到好大 "火羅" 味.

開機程序係插上 5Z4P, 6N1 及EL84, 輸出端8ohms接上6ohms喇叭, 然後再接上電源線, 奇怪! 明明無按電源開關就著左機, 過兩分鐘仲死, 聞到 "火羅" 味, 我見唔對路立即熄機, 但係點都熄唔到 (反覆按左開關幾次), 最後當然係拔電源線.

之後膽粗粗只插上整流膽, 接上電源線 (今次無自動著機) 就開機量度下電源部份既電壓, 好在都仲好正常,

接下來應該怎做呢范SIR ??

VR2ZOC · 發表於 9-10-2008 23:51:31

現在首先要懷疑是開關機 "制" 有無壞, 即接觸點已短路(Short 左), 第二是並聯在 "開關制"上的那個電容器是否己被擊穿, 即壞了, 可用電表RX1擋量度是否已 "短路", 即(Short 左),其中如果電容損壞了 "消左"(即自動著機的原因可能就在這裏), 最後可能又回復開路的狀態,則那發出 "羅味"的地方可能就在這處。這要關機及拔掉電源後, 要用你的第二靈敏度"鼻"測量了。
但你已在故障後再開機量度電壓仲好正常的話, 那麼要再反覆量度其他各級的電壓和再開聲測試, 掌握多些資料再逐級跟。

3240 · 發表於 11-10-2008 15:03:32

反覆多次開機及量度後, 一切正常
最大可能係接喇叭線接觸不良所致 (因為我的喇叭係彈弓夾線的)
至於開關制真係換過另一個比較安全
謝謝分折

3240 · 發表於 21-10-2008 00:47:29

部機又有狀況喇
手多多換左兩桶220uf 水塘, 之後量度電壓, B+ 283v 正常
到退交連有一邊聲道竟然係283v, 連隨度埋上管屏壓都係283v, 下管陰極更達 10v (另一邊好正常, 分別係退交連 261.5v, 屏壓 199.5v 同下管陰極 2.06v )
唔通支10K同30K電阻打左柴? 熄機後量度所有電阻電容及假負載數值又正常, 對調左右聲道6N1 同 EL84後開機再量度, 都係一樣

雖然係咁, 但係兩邊EL84電壓都 OK喎, 下一步點跟呢亞SIR???

VR2ZOC · 發表於 22-10-2008 08:48:47

在這裏你應該問下各位 "師兄 " ".師姐 "或者 "六大俠"提供經驗,無人敢稱阿SIR答你。

退交連有事的話,問題就落在退交連那級, "EL84"是不需退交連提供電壓的。所以你應該跟前置級 "6N1"那部份,首先你要確定SRPP線路中的上.下管腳位無錯接,(即上管是1,2,3腳,下管就6,7,8腳,若相反則相反)。分別量度上管和下管的那支陰極電阻1K上之電壓降幾多,然後運用歐姆定律計算一下電流值。再用一支1K的電阻臨時焊上去,(即將新的那支1K並聯焊在陰極電阻上),然後再分別量度上,下管並聯了1K後之電壓降,再用歐姆定律計算一下電流值.然後思考下點解會咁。你就可能會有新發現

了。

3240 · 發表於 1-11-2008 12:52:32

中呀! 支1K假銲
謝謝

賬號		自動登錄	找回密碼
密碼			立即註冊