鉛鑛坳＞肥佬麥＞禾秧山＞妙高台＞大帽山＞四方山
香港有很多高山，超過 700 米的亦有不少，近來聽聞有一個跑山比賽，就專揀高山來跑，叫做香港十大高峰挑戰賽。賽事分兩次舉行，一次在大嶼山，另一次在大埔、大帽山。大嶼山賽事要跨越六個每個都超過 700 米之高山；大帽山賽事則要跨越四個每個亦超過 700 米之高山。每個賽事限時7個鐘，有實力歡迎參賽。為了見識一下，我和 ZTA 在 2011 年 8 月 7 日上午決定走一趟，由大埔出發，上鉛鑛坳，經肥佬麥、攀禾秧山（771 米）和妙高台（765 米）、走回大帽山麥理浩徑。影咗一啲相，供大家參考。
由大埔起點至鉛鑛坳個一段路，無畫出來，只有影相
沿大埔河晨運徑疾走
去到運頭塘邨天橋底。不過直去時有維修工程，改由車路去上碗窰
逆行衛奕信徑上鉛鑛坳，先經樊仙宮、下碗窰
新屋家啲豪宅越來越靚
綠巴總站設在老劉屋與新屋家之間，方便村民
由標距柱W087傍邊石級直上
回望大埔市區，隱約望到九龍坑山和八仙嶺
過咗標距柱W086，要上長命石級和石堆
上完一段又一段
見到呢個標距柱 W084，表示己經到咗鉛鑛坳
鉛鑛坳是各大行山賽事的大站，有厠所、涼亭，可以休整一下，依家己經來到地圖上的 T1 位置；由大埔起點計，行咗 1 小時 24 分
洗完面，稍事休息，繼續去探索
轉入麥理浩徑第八段，剛剛經過標距柱 M138 不遠，驟見分岔路，停一停，對一對地圖，决定向川龍方向
呢個路牌，在地圖 T2 位置。望一望個牌：7 公里要行 3 粒鐘，有啲挑戰性
初段不算崎嶇，慢幔行都掂
呢處仲可以跑，不過今天好熱，冇乜風
見到大帽山添
由分岔路行咗大約 20 分鐘，又嚟到另一個分岔路，即地圖 T3 位置，跟 VR2ZTA 行就會去到肥佬麥
唔清楚就睇吓路牌啦
石圍牆和竹林中前進，就快到肥佬麥
3 分鐘後，終於嚟到闊別多年之肥佬麥，Hello！你好嗎？
肥佬麥位於大城石澗上游，雖然油漆有些褪色，但行山者都愛在此處唞一唞，洗洗面。然後橫過大城石澗，繼續征途。此處是地圖 T4 位置，計一計時間，由鉛鑛坳起，行咗 52 分鐘
好遺憾，由肥佬麥傍邊山路落到嚟呢度，應該好似棵樹上寫住 "此路通" 咁樣直去。不過，走錯咗左邊下山去城門水塘之路，走番上嚟呢處，足足躭誤咗成半個鐘，下次我哋就識得點行啦！呢處就係地圖 T5 位置
由 T5 向前，路較為平坦，加快腳步挺進
30 分鐘後，到咗分岔路，向川龍方向繼續。呢處係地圖 T6 位置
呢棵倒下來的樹是地圖 T7 位置，要右轉出禾秧山
由呢條路穿過樹林直出便可
嘩！呢一帶山頭，周圍都係草，乜個名叫做禾秧山嘅？
睇落禾秧山一帶風景都好靚，不過周圍樹木不多，陽光直曬時都好攞命。小心，小心