麥理浩徑第一段
本帖最後由 VR2UKT 於 4-8-2010 10:50 AM 編輯麥理浩徑全長 100 公里，是著名遠足郊遊徑，是由多條行山徑連结而成，於 1979 年 10 月 26 日開通。起點設在西貢北潭涌，終點是屯門。是一條自東向西伸展，跨越多個郊野公園之遠足郊遊徑。攀越全港最高之大帽山，經過多個水塘，四周風景秀麗。指示牌明確和清晰，在麥理徑沿途中亦豎立有標距柱共 200 枝(M001 至 M200)。約行 500 米就有一枝。
有咁靚之風景吸引，自然不可錯過，順便要提醒一下各位，要設計好沿途補給綫。本人與 ZTA 於 2010 年 8 月 1 日走了一趟第一段，全長 10.6 公里。官方時間是 3 小時，難度是1粒星(最難是5粒星)。嗰日天氣超級炎熱，不過有藍天白雲，影相就好，行山就麻麻。
上午 9 時 04 分來到北潭涌巴士站。
已經見到有人操毅行。(毅行者 2010，即麥徑全走)
上午 9 時 06 分來到麥理浩徑起點。
9 時 21 分來到西貢萬宜路(右邊)與西貢西灣路(左邊)迴旋處。標距柱是 M002
見到牛大哥，唔記得睇位置。
9 時 36 分來到元五墳觀景台，過了標距柱 M005。
拉近鏡頭，可以了解到附近的地方。海面中間最近觀景台是南風灣；左邊是創興水上活動中心，海面中間最遠處是滘西洲；稍近之右邊的小島是大頭洲。
站在萬宜水庫副壩上，已經可以望到東壩，世界著名之火成岩六角柱岩之地標，亦在那裹特別展視出來。
萬宜水庫之水碗。
9 時 43 分左轉入萬宜水庫西壩。過咗標距柱M007。
企喺西壩，一樣可以望到東壩。
創興水上活動中心，曾是越南難民營，今天不復存在，沿水上活動中心漫步，可欣賞湖光山色，天文公園設在林蔭路之盡頭，值得一去。
站在西壩(標距柱 M008)見到：車路傍有六角形火成岩，好大嚿；
創興水上活動中心岸邊有個大波咁嘅建築物是天文公園；
遠處有兩個連峰的是馬鞍山.........。
西壩再去有小段上斜路，大蛇頂座落於此。當轉向標距柱 M012，有另一番景象。
轉咗呢個彎，就見到標距柱 M012，觀景台直望嗰個島是洲仔。附近是著名的北丫。
行過了標距柱 M013 又未到 M014，風景馬上換畫，又見到萬宜水庫及其周圍之山和水。遠處有個尖尖的是蚺蛇尖，她是西貢三尖之首。在水庫中的島是水徑頂。
前面分岔路，右邊可直落白腊灣。標距柱 M015。花山就在前面。
在 10 時 31 分近標距柱 M017，拍下了寧靜的水庫。
離遠見到東壩的一端，豎立了一尊防波石，亦有紀念建造水庫時殉職人仕之石碑。
走近望真啲。
1973 年至 1977 年共有 5 位人仕殉職，可見工程相當艱辛。
站在東壩影番西貢一帶。標距柱 M018。
站在東壩影出公海。右方的破邊洲歷歷在目。
萬宜水庫一帶成了國家地質公園後，參觀人流多咗，每逢假日，有的士出番西貢市，盛惠 100 大元。
由北潭涌來到呢度，約 9 公里，望吓個錶，指正 10 時 41 分，行咗個幾鐘。喺個涼亭唞唞先。
地標豎立在涼亭側，記得影番張相。
涼亭後面沿左邊去浪茄村，右邊落大壩下面觀賞火成岩，有好多嘢睇。
東壩、花山。BYEBYE！
嘩！浪茄灣好靚，前面嗰座山就係西灣山囉！
見唔見到山腰和山頂之涼亭。
麥理浩徑第一段己到，第二段跟着開始。時間是上午 10 時 55 分。
弊！如果剩係行一段，咁點走人呢！:P
頁:
[1]
2