參加第一屆香港十大高峰第二階段賽事
傳聞很久，賽程好甘嘅香港十大高峰挑戰賽終於作第一屆試賽。全程分兩階段進行，第一階段在大嶼山進行，喺試路時已經頂唔順，唯有放棄。第二階段在大埔進行，全走 24 公里，攀登四座山，限時 6 個鐘，試路時僅僅合格，甘過山野之王比賽。全程基本上要跑，抖吓都會過鐘。2012 年 1 月 15 日上午 9 時正在大埔廣福公園起步。今日毛毛細雨，有好有唔好。落雨時冇咁熱，但係天雨路滑，如果着錯鞋就有排捱。
呢個起步門，色彩繽紛，好搶眼。
嚟得咁早，登記先。
左起：Master M 組嘅高手。傍邊係我的隊友，VR2ZTA
人強馬壯，影番幅相紀念。
開步槍一響，奮勇爭先。
有冇識得？
衝出公園，左轉俟大埔河前進。
右轉落大埔火車站直走隧道。
由隧道出番廣福村傍單車路直去。
火車站出番嚟，繼續前進。
呢度好易認。近運頭塘村。
離開運頭塘村，左轉上到嚟下碗窰村。
經新屋家。
前面有兩位健兒去緊元墩下。
喺迴旋處有清晰嘅防水指示牌。
又見到指示牌和紅色絲帶。
打鐵屻傍邊上石級，去鉛鑛坳，巧遇到一位参赛者，其中一位原來係 Ham 友。
用咗 48 分鐘，嚟到鉛鑛坳水站，拎咗一隻蕉。
右轉經麥理浩徑第八段。
過咗標距柱 M138 少少，喺分岔路左轉，沿去川龍方向前進。
呢條路要過大城石澗肥佬麥嗰處。
呢度就係肥佬麥，好在水流唔係好急，嗱嗱臨，跳過去。睇吓個錶，啱啱跑咗 1 小時 20 分。
呢位參賽者身手不凡，全程用咗 3 小時 47 分返到終點。佩服，佩服。
好在有呢個指示牌，否則會走咗落城門。
跟呢個指示牌沿往川龍方向，走一段非常跣及峭嘅泥路。
3 分鐘後，嚟到呢度。嘩！好大陣仗。穿過樹林，就要攀登禾秧山！
睇睇個錶，嚟到呢處，用咗 1 小時 40 分。非常滿意。(操練時冇咁快)
見到水池，即係話已經好近妙高台。
大會工作人員企喺山火瞭望站嗰間屋傍逐個健兒登記，無一漏網。
5 分鐘，走上大帽山車路。工作人員：有水、有 Gel........。
頁:
[1]
2