風雨交加驚心動魄的比賽

VR2UKT

2015 年度大嶼山雙峰越野賽，於 2015 年 10 月 4 日早上 7 時 30 分在東涌東薈城起步，經黃龍坑郊遊徑，大東山，鳳凰山，昂坪 360 救援徑，跑回東涌衝線。今年賽道延長咗 2 公里，合共 23 公里，取消了上年之 5 公里及 15 公里賽道。

今年有大批過江龍高手參賽，吸引咗 1000 人同場競技。有 2 位健兒仲破咗大會記錄，冠軍來自瑞士之 Bonnet Remi，成績是 2 小時 14 分，亞軍來自西班牙之Manuel Merillas，成績是 2 小時 24 分。前 6 名都唔駛 2 小時 30 分。嘩！


是日 3 号風球高懸，大風大雨，黃龍坑山洪暴發，大東爛頭營時不時吹強風，間中吹烈風，人都企唔穩；上到鳳凰山仲慘：風吹得更大，各位健兒都不敢站立行，個個像龜爬行咁上山，遇有强烈陣風，不得不俯伏地上，動彈不得。去到昂坪 360 救援徑，木樓梯濕滑非常，有一位健兒不幸跣脚，滾落山坡受傷，要送院治理........。


本人 UKT 與 ZTA，YZQ 都有參賽，親歷其境，以下在風雨中拍攝了圖片及視像，雖然幪幪哋，但勝在真實，俾大家睇睇。





未開賽，地下己經盡濕。



我哋中無亦有負責無線電通訊。



左起：Richard，ZTA：成績 5 小時 39 分，YZQ：成績 5 小時 06 分；UKT：成績 5 小時 39 分。

VR2UKT

由起點跑到嚟黃龍坑效遊徑起點上石級呢度，大擺長龍龍。

比賽開始後 1 小時左右，健兒過咗標距柱 C1203，進入山澗位置，遇到特大山洪...........。





流水不算太猛，尚可應付。



現場見到都驚！



望返轉頭，見到過澗健兒堅毅和決心，經驗不足者，請勿模仿。

VR2UKT

經過 1 小時 33 分，終於上到黃龍坑郊遊徑頂，沿途橫風橫雨，雨打到面頰，有如針刺，去到爛頭營，風勢更大，我哋唯有步步為營，奮勇前進！



無線電通訊員堅守陣地，辛苦晒！



由起點用咗 2 小時，嚟到水站 CP1。

VR2UKT

參賽健兒們，補補油......



好，啱我！



走到延長部份之轉向位，有位義工指引方向，唔該晒！

VR2UKT

鳳凰山仲更加大風，初段還可以。



近標距柱 L022。前面大霧，又大風，山路滿佈泥濘。



開賽後 3 小時半，終於上到鳳凰山頂。

VR2UKT

落山......



近標距柱 L026。望到大佛嘞。



嚟到東山法門水站 CP2。

VR2UKT

中繼站，CP2 通訊站都喺呢度。YFW，你好！



VR2ZRT，車隊通訊員。



健兒們，忙於補給。

VR2UKT

唔該晒！師兄。



黃兄堅守崗位，難得。



VVH：有参賽者不幸跌咗落山坡.......

VR2UKT

時間：中午 12 時 14 分，地點：昂坪 360 求援徑 C15 至 C16 之間， 精細号碼是 C1540。據 VVH 講，參賽者於 11 時許失足墮下的。



這條長命樓梯也要十分小心前進。



12 時 35 分來到 3 號塔底......

VR2UKT

由 300 高地向下走向東涌。



昂坪吊車也停駛！



走完救援徑來到 C00，見到 PK Sir 及義工們堅守崗位。